Friday, February 09, 2007

Гэрэл зургийн шүүлтүүр буюу Photo filter

Хальсаар гэрэл зураг авдаг байхад шүүлтүүр их хэрэгтэй байдаг байсан. Одоо зарим шүүлтүүрийн хийдэг үйлдлийн photoshop-оор хийж болдог ч photoshop-оор хийж болдоггүй зүйл бас байгаа тул үүнийг бичлээ.
Гэрэл зургийн шүүлтүүр үйлдвэрлэгч B+W, Cokin, Hoya, Kodak, Tiffen, Kenko, Heliopan, Hitech, Lee, Optiflex, Singh-Ray компаниудын вэб рүү ороод нэмж унших зүйлсээ уншаарай.

UV Filter буюу өнгөгүй шүүлтүүр


Нүдэнд үзэгдэх хэт ягаан туяа нь зургийг хөхөвтөр манантай юм шиг харагдуулдаг. Энэ үзэгдэл өндөр ууланд, далайн эрэгт ихэнхдээ ажиглагддаг. Дээрх зурагны доод талын хэсэгт UV шүүлтүүр хэрэглэснээр өнгө яаж засагдахыг харуулав. Мөн линз зурагдах, тоос, ус болохоос хамгаалж их хэрэглэдэг.

ND Filter буюу гэрэл багасгагч шүүлтүүр


Гэрэл зурагт гэрэл багадах тохиолдол элбэг байдаг ч зарим тохиолдолд гэрэл багасгах шаардлага бас гардаг. Ялангуяа бага хурдаар (Shutter speed) гэрэл ихтэй орчинд өрцийг нээж авах шаардлагатай үед хэрэглэгддэг. Жишээлбэл дээрх зурагны усны ширхэгийг харагдахааргүй болтол нь удаанаар авах үед гэрэл ихдэж байвал ND шүүлтүүр хэрэглэж болно. ND шүүлтүүр хэрэглэснээр гэрлийг 2-1,000,000 дахин багасгах боломжтой. Хамгийн харанхуй шүүлтүүр нь гагнуур хийхэд хэрэглэдэг хар шил шиг юм байдаг.

CPL, PL Filter буюу туйлшруулагч шүүлтүүр


Туйлшруулагч шүүлтүүр хэрэглэснээр ямар нэгэн гэрэл ойх гялгар гадаргатай зүйлийн зураг авахад өргөн хэрэглэдэг. Мөн тэнгэрийн өнгийг гүн цэнхэр болгоход, утаа, униартай үед их хэрэглэдэг. Туйлшруулагч нь шугаман, тойрог туйлшруулагч гэж 2 янз байдаг. Туйлшруулагчийг шалгахдаа LCD дэлгэцийн өмнө эргүүлж үзэхэд дэлгэцэн дээрх зүйл тодорч, бүдгэрч харагддаг. Шугаман туйлшруулагчийг фокуслах үедээ урд тал нь эргэдэг линзүүдтэй үед хэрэглэх тохиромжгүй байдаг. Тойрог туйлшруулагчийг бүх төрлийн линзэнд хэрэглэхэд тохиромжтой. Дээрх зураг дээр машины цонхноос ойсон гэрлийг хаасан байдал, утасны бүхээгт байгаа хүний зураг дээрх шилэн дээрээс ойсон гэрлийг хэрхэн багасгасныг харж болно.

Color Filter буюу өнгө өөрчлөгч шүүлтүүр


Өнгө өөрчлөгч шүүлтүүрийг зурагныхаа өнгийг аль болох тод бодит өнгөөр нь гаргахад голдуу хэрэглэдэг. Эдгээр шүүлтүүрүүдийн үүргийг photoshop-оор хийх боломжтой байдаг. Дээрх жишээн дээрээс ялгааг харна уу

Special Filter буюу тусгай зориулалтын шүүлтүүр



Тусгай зориулалтын шүүлтүүрүүдэд хувилагч призм, зургийг уран зураг шиг болгож өөрчилдөг пастел, зах руу нь уусгадаг, өнгийг өөрчлөх зэрэг шүүлтүүрүүд ордог. Мөн энэ ангилалд оч үүсгэгчийг оруулав. Жишээнээс үзээрэй.

Graduated Filter буюу уусалттай шүүлтүүр


Уусалттай шүүлтүүрийг зургийн нэг талаас өнгийг өөрчлөхөд голдуу хэрэглэдэг.

Close-Up Filter буюу ойртуулагч шүүлтүүр


Ойртуулагч шүүлтүүрийг ихэнхдээ макро зураг авахад линзийн өсгөлтийг ихэсгэх зорилгоор ашигладаг.

Filter ring буюу шүүлтүүрийн хэмжээ өөрчлөгч


Янз бүрийн диаметртэй линзүүдэд нэг шүүлтүүр янз бүрийн хэмжээтэй байх хэрэгцээ гардаг тул ийм хэмжээ өөрчлөгч хэрэглэдэг. Энэ нь томруулагч, жижигрүүлэгч гэж 2 янз байдаг. Жижигрүүлсэн үед зурган дээр дугуй хүрээ үүсэх тохиолдол байдаг.

Filter holder буюу шүүлтүүр тогтоогч


Олон төрлийн шүүлтүүр солидог хүнд энэ их тохиромжтой.

Filter bag буюу шүүлтүүр хадгалах сав


Олон төрлийн шүүлтүүртэй болсон үед шүүлтүүр зурагдах, хагарах, тоос шороо болох зэрэг бэрхшээл үүсдэг. Мөн гэрэл зургийн хэрэгсэл үргэлж яаралтай хэрэг болдог тул олоход хялбар байлгахын тулд шүүлтүүрүүдээ нэг газар хадгалах дээрх савнуудаас өөрт тохиромжтойгоо сонгон хэрэглэвэл тохиромжтой байдаг

5 comments:

typone said...

I think it's very good article. Gehdee iimshuultuuruudiig yaj olj awah we? Ene talaar medeelel ogooch.

Gansukh.N said...

Энэ постын эхэнд шүүлтүүр үйлдвэрлэгч томоохон үйлдвэрлэгчдийн вэбүүдийг линк хийсэн байгаа. Тэдгээр вэбүүд рүү ороод онлайнаар худалдаж авч болно. Эсвэл гадаадад гэрэл зургийн дэлгүүрүүдэд байдаг

Tuguldur said...

46 mm filter cheap olood ugch chadahgv bz? mailer hariu elite0266@yahoo.com

Anonymous said...

Tuguldur-t,

Chi Mongold baigaa bol 4 zamyn dergeh Camera Shop -d yanz bureeree baina lee shd.

Anonymous said...

Mongol hel deer medeelel tavij baigaa ni saihan sanagdlaa. ND2, ND4, ND8 gesen filteruud baidag yum baina. too ni ihseheeree tsaivraasaa gun baraan ongotei bolj baina. ehlen suraltsaj bui hund ene 3 bugd baih hereggui baih gej uzvel ND filteruudiin aliig ni avbal zugeer ve. Thanks

Mongolian Photo

Photos of Mongolia